पर्सा प्रहरीद्वारा दुइ वटा सवारी साधन नियन्त्रणमा
वीरगन्ज,८फागुन : वीरगन्जमा प्रहरीले भन्सार छलेर ल्याइएकाो सामान लोड रहेको आशंकामा दुइ वटा सवारी साधन नियन्त्रणमा लिएको छ ।
प्रहरीले वीरगञ्ज महानगरपालिका वडा नंबर २५ सिर्सियाबाट ना ५ ख ५४९४ ट्याक्टर र ना ३ ख १०२४ नम्बरको मालवाहक ट्रक नियन्त्रणमा लिएको हो ।
बिल विजक भन्दा बढी स्टेशनरी तथा खुद्रा सामान बोकेको ट्रक र ट्याक्टर वीरगन्जबाट काठमाडौंतर्फ जाँदै गरेको छ भन्ने सूचनाको आधारमा ती दुवै ट्रक र ट्याक्टर नियन्त्रणमा लिएको पर्साका प्रहरी नायब उपरीक्षक दिपक गिरिले बताए ।
बरामद गरिएको सामान सहितको ट्रक र ट्याक्टरको मुल्य अन्दाजी ९२ लाख ४८ हजार ८ सय २२ कायम गरिएको प्रहरीले जनाएको छ ।फागुन ५ गते नियन्त्रणमा लिएको सामान सहितको ट्रक र ट्याक्टर अनुसन्धान तथा कारबाहीका लागि सोमबार राजश्व अनुसन्धान कार्यालय पथलैया बारामा बुझाइएको उनले जानकारी दिए ।
प्रकाशित मिति: सोमबार, फागुन ८, २०७९ १९:३४
प्रतिक्रिया दिनुहोस्
थप समाचार
साताको लोकप्रीय
