काठमाडौं । जेनजी आन्दोलनपछि प्रतिनिधि सभा विघटन भई नयाँ निर्वाचन घोषणा भएपछि देशभर झन्डै साढे ८ लाख मतदाता थपिएका छन्।

निर्वाचन आयोगका अनुसार आशोज ९ देखि मंसिर ५ सम्म खुला गरिएको मतदाता नामावली संकलनमा ८ लाख ३७ हजार ९४ मतदाता सूचीकृत भएका हुन्।

थपिएका मतदातामध्ये पुरुष ४ लाख ७३ हजार ३४५, महिला ३ लाख ६३ हजार ७७८ तथा अन्य ६१ जना रहेका छन्।

आयोगका अनुसार ३ लाख ४४ हजार ९१४ मतदाता नियमित प्रक्रियाबाट तथा ४ लाख ९२ हजार १८० जना राष्ट्रिय परिचयपत्रको बायोमेट्रिकमार्फत मतदाता सूचीमा समावेश भएका हुन्।

यसअघि कात्तिक १६ सम्म देशभर १ करोड ८१ लाख ६८ हजार २३० मतदाता दर्ता भएको आयोगले जनाएको थियो।