वार्ताका क्रममा स्वास्थ्य बिग्रिएपछि राष्ट्रपति पौडेल अस्पताल भर्ना।
काठमाडौं/स्वास्थ्यमा समस्या देखिएपछि राष्ट्रपति रामचन्द्र पौडेल महाराजगञ्जस्थित त्रिवि शिक्षण अस्पताल भर्ना भएका छन् ।
शनिबार शीतल निवासमा जेनजी प्रतिनिधिसँगको वार्ताका क्रममा एक्कासी टाउको दुख्ने र वान्ता हुने समस्या देखिएपछि उनलाई अस्पताल भर्ना गरिएको हो । यससँगै राष्ट्रपति पौडेलले जेनजी प्रतिनिधिसँग सोमबारमात्रै वार्ता गर्ने भएका छन् ।
यद्यपि हाल शीतल निवासमा जेनजी प्रतिनिधिसँग प्रधानमन्त्री सुशीला कार्कीले छलफल गरिरहेको राष्ट्रपतिका प्रेस संयोजक खिला कार्कीले बताइन् ।
शनिबार जेनजीका प्रतिनिधिसँग छलफल गर्ने भनेपछि राष्ट्रपति कार्यालय अगाडि असन्तुष्टि जनाउँदै केही जेनजीहरूले नाराबाजी समेत गरेका थिए ।
राष्ट्रपति पौडेलले शुक्रबार प्रधानमन्त्रीसहित दलहरूका प्रतिनिधिसँग फागुन २१ को चुनावबारे छलफल गर्दै दलहरुलाई तयारी गर्न सुझाएका थिए ।
प्रकाशित मिति: शनिबार, असोज २५, २०८२ १५:०१
प्रतिक्रिया दिनुहोस्
थप समाचार
साताको लोकप्रीय
