Birgunj News24
वीरगञ्जमा बृहत वृक्षारोपण कार्यक्रम सम्पन्न।

भदौ १४ वीरगन्ज , आनन्द पटेल 

वीरगञ्ज महानगरपालिका, राष्ट्रपति चुरे तराई मधेश संरक्षण विकास समिति (भरतपुर, चितवन) र ग्रिनसिटी सामुदायिक प्रहरी सेवा केन्द्र आदर्शनगर, वीरगञ्जको संयुक्त आयोजनामा शनिबार वीरगञ्ज–१६, बाईपास नयाँ बसपार्क पूर्वपट्टि फुलवारी टोलामा बृहत वृक्षारोपण कार्यक्रम सम्पन्न भएको छ।

कार्यक्रममा करिब ५० वटा विभिन्न प्रजातिका बिरुवा रोपिएका छन्। बिरुवाहरूको दीर्घकालीन संरक्षणका लागि लोहाको तारजाली (प्रोटेक्टिभ गार्ड) जडान गरिएको आयोजकले जानकारी दिएको छ।

समारोह ग्रिनसिटी सामुदायिक प्रहरी सेवा केन्द्र आदर्शनगरका अध्यक्ष जयप्रकाश खेतानको अध्यक्षतामा सम्पन्न भएको थियो। कार्यक्रममा वीरगञ्ज महानगरपालिकाका नगर प्रमुख राजेशमान सिंह प्रमुख अतिथिको रूपमा सहभागी भएका थिए।

सो अवसरमा जिल्ला प्रशासन कार्यालय पर्साका प्रमुख जिल्ला अधिकारी तोय नारायण सुवेदी, सशस्त्र प्रहरी प्रमुख एसपी पुरनचन्द्र भट्ट, नेपाल इनोभेट सोसाइटी पर्साका अध्यक्ष कमल चौगाई विशिष्ट अतिथिका रूपमा सहभागी थिए।

कार्यक्रममा नागरिक समाज, समाजसेवी, बुद्धिजीवी, विभिन्न राजनीतिक दलका जनप्रतिनिधि, सुरक्षाकर्मी र सञ्चारकर्मीहरूको उल्लेखनीय उपस्थिति रहेको थियो। सहभागीहरूमध्ये हरि प्रसाद भुसाल, सर्फुदिन मियाँ, प्रकाश ऐरी, सुशील कादमियाँ, राकेश अग्रवाल, कैलाश बजाज, त्रिलोक चन्द दरूका, शिव गुप्ता, वसन्त प्रसाद उपाध्याय लगायत सक्रिय देखिएका थिए।

त्यस्तै सुरक्षाकर्मी तर्फबाट प्रहरी वरिष्ठ हवल्दार प्रेम राम, प्रहरी सहायक हवल्दार अजिता घिमीरे र प्रहरी जवान अमर सिंह साउद समेतको सहभागिता उल्लेखनीय रह्यो।

कार्यक्रमका वक्ताहरूले वृक्षारोपण अभियानलाई वातावरणीय संरक्षण र आगामी पुस्ताका लागि हरियाली विस्तारको महत्वपूर्ण कदम भएको उल्लेख गर्दै निरन्तर संरक्षणमा सबैको सहकार्य आवश्यक रहेको धारणा राखेका थिए। आयोजक संस्थाहरूले नियमित अनुगमनमार्फत रोपिएका बिरुवाको हेरचाह र संरक्षणमा ध्यान दिने प्रतिबद्धता व्यक्त गरेका छन्।

प्रकाशित मिति: शनिबार, भदौ १४, २०८२  १२:०८
प्रतिक्रिया दिनुहोस्
साताको लोकप्रीय
Weather Update