वीरगन्ज, साउन १३

जीवन ज्योती माध्यमिक विद्यालय, रानीघाट–९, वीरगन्जले सामाजिक उत्तरदायित्व अन्तर्गत ‘चिसो पानी वितरण’ (Cold Water Distribution) कार्यक्रम सम्पन्न गरेको छ। विद्यालयले ‘शिक्षा केवल कक्षाकोठासम्म सीमित हुँदैन’ भन्ने भावनालाई आत्मसात गर्दै विद्यार्थीहरूलाई सेवा र करुणाको मूल्यमा आधारित शिक्षामा अभिप्रेरित गरेको देखिएको छ।

उक्त कार्यक्रममा विद्यार्थीहरूले वीरगन्जका विभिन्न स्थानहरूमा यात्रुहरू, सवारी चालकहरू तथा सर्वसाधारणलाई चिसो पानी वितरण गरेका थिए। उनीहरूको सक्रिय सहभागिता र सेवाभावले विद्यालयको मूल्य–मान्यतालाई व्यवहारमा उतार्न सघाएको छ।

विद्यालयले जारी गरेको सूचनामा भनिएको छ, “विद्यार्थीहरूले समुदायप्रतिको दायित्व र सामाजिक सेवा मार्फत जिम्मेवार नागरिक बन्ने मार्गमा अग्रसर भइरहेका छन्, जुन नै साँचो शिक्षाको परिचायक हो।”

कार्यक्रमले वीरगन्जवासीहरूबाट सकारात्मक प्रतिक्रिया पाएको छ भने विद्यार्थीहरूको आत्मविश्वास र सामाजिक चेतनामा पनि उल्लेखनीय वृद्धि भएको देखिन्छ।